Trink Auge was die Wimper hält von dem goldnen Überfluss der Welt.
(Gottfried Keller)


Hallo ehr Ibizenkische Wandervögel

Scho semmer alli weder heil ond ganz diheime aacho ond de Alltag het eus weder in Beschlag gno. Doch won-ich am Mentig die Fotine vom Fotiapparat uf de Computer glade han, esch es mer genauso vorcho, wie de obige Spruch vo de Erika vom Gottfried Keller ond ich han die letschi Woche nomol sochli Revü-passiere loh. Mer händ durch so schöni Landschafte dörfe wandere, wo eus de Duft vo de Pinie empfange ond eus atemberaubendi Usblicke uf nes türkisfarbigs Meer verschafft het. Äu d’Natur met ehrere Vielfalt het eusi Auge verwöhnt. Die chliine Dörfli händ eus mängs schöns Fotisujet glieferet. Jo ond erscht das malerische Ibiza-Stadt met ehrne gschichtsträchtige alte Muure ond dem mittelalterliche Määrt het wahrschiinlich ned nome mech total fasziniert.
Es esch en tolli ond luschtegi Woche xi ond ich möcht mi bi allne för die intressante Gschpröch ond Begägnige bedanke. Natürli äu eusere Reiseleiterin de Frieda möcht ich es Chränzli winde, wo eus of ehri scharmanti Art die Schönheite vo dere Insle zeiget het.
En härzliche Wandervogelgruess a euch alli
Gabe (Gaby)

Jeder Tag war ein Vergnügen - in höchst angenehmer Gesellschaft eine herrliche mediterrane Insel zu erwandern hat mich beglückt - abends bei auserlesenen Speisen und flüssiger Entsprechung vom engagierten Hotelpersonal verwöhnt zu werden war wohltuend - den Anekdoten der Teilnehmenden zu lauschen war erfrischend - herzlichen Dank an alle für Euren Beitrag am Gelingen dieser tollen gemeinsamen "better together" Wanderwoche - freundlich - Franz